यहि भदौ २० गतेबाट प्रदर्शनमा आउन लागेको चलचित्र “रिमै” को निकै मनछुने गीत छुटिसकेको माया सार्वजनिक भएको छ । कवडी चलचित्रको पहिलो सिरिजको हिट जोडी काजी र मैयाको कम्व्याक भएको रिमैमा पनि काजी अर्थात दया र मैया रिश्मा छुटिएका छन ।
आज सार्वजनिक भएको गीत हेर्दा फेरीपनि दया र रिश्माको विछोड भएको देखिन्छ । श्रवण मुकारुङ्गको शब्द, थानेश्वर गौतमको संगीत र आवाज रहेको गीत निकै मार्मिक र हृदयस्पर्शी बनेको छ । गीतमा फिमेल आवाजमा सारादा रसाईलीको रहेको छ । गीतको भिडियो अनुसार दया र रिश्मा एक अर्कालाई धेरै माया गरेपनि अन्तमा छुट्नु परेर विगत सम्झिदै रुदै गाउँ छाडेको दृश्य मार्मिक छ । पारिवारीक वा अन्य वाध्यताले छुट्नु परेपनि यादले कहिले नछोडेको निकै दुखद अवस्था रहेको अनुमान लगाउन सकिन्छ ।
“रिमै” गुरुङ गाउँको सम्बन्ध र संस्कृतिको कथा हो । “रिमै” शब्द गुरुङ समुदायको शब्दकोषबाट लिईएको शब्द हो, गुरुङ भाषामा “रि “ को अर्थ चेलिबेटी वा मायालु भन्ने हुन्छ भने “मै” को अर्थ हरु भन्ने हुन आउँछ अर्थात रिमै भनेको चेलिबेटीहरु अर्थात मायालु भनिएको हो । यहि शब्द रिमैलाई गुरुङ जातीको संस्कार, गाउँले परिवेशको त्रिकोणात्मक प्रेमलाई निर्देशक खिलबहादुर गुरुङले गज्जवले प्रस्तुत गरेका छन । “रिमै” लाई कबड्डी, जारी र मनसराजस्ता सफल चलचित्रका लेखक तथा निर्देशक उपेन्द्र सुब्बाले लेखेका हुन ।
करीब साढे तीन मिनेट लामो ट्रेलरमा दयाहाङ राईलाई ग्रामीण परिवेशमा देखाइएको छ, जहाँ आफ्नो प्रेम र परिवारबीचको संघर्षसँग जुधिरहेका छन् । रिश्मा गुरुङसँगको केमिस्ट्रीले ट्रेलरलाई भावुक बनाएको छ भने अर्पण थापा र गौमाया गुरुङको भूमिकाले कथालाई अझ रोचक बनाएको छ । वीरवल घले कार्यकारी निर्माता रहेको सिनेमामा टिका गुरुङ, जित यात्री गुरुङ र दुन बहादुर घले निर्माता तथा बिनु गुरुङ, रोशन भट्टराई र राजेश घिमिरे सह–निर्मातामा छन् ।सिनेमामा दीपक शर्मा र थानेश्वर गौतमको संगीत, किरण चाम्लिङ राई मुख्य सहायक निर्देशक, बिष्णु मैनाली प्रोडक्सन म्यानेजर र मित्र डि गुरुङको सम्पादन रहेको छ । चलचित्र यहि भदौ २० गतेबाट प्रदर्शनमा आउदै छ ।
र">
